<
პ რ ო ე ქ ტ ი
,,შობა–ახალი წელი საქართველოში’’
1)პროექტის იდეა(თემა):მოსწავლეები გაეცნობიან შობა– ახალი წლის ტრადიციებს ,მოიძიებენ მასალას სხვადასხვა კუთხეებზე,შექმნიან მუსიკალურად გაფორმებულ ,,სლაიდებს’’.
2)პრობლემის აქტუალობა:თანამედროვე საზოგადოებაში ნელ–ნელა დავიწყებას ეძლევა უნიკალური ქართული ტრადიციები.ეს, რა თქმა უნდა,საახალწლო ტრადიციებსაც ეხება.ალბათ, ბებია–ბაუების ხსოვნას თუ შემორჩა ძველი საშობაო რიტუალები.ცოტა აცნობიერებს მეკვლეობის მნიშვნელობას,ბევრს სანტა–კლაუსი ურჩევნია ქართველ თოვლის ბაბუას...დასანანია დავიწყებას მიეცეს ის ქართული ხალხური სიმღერები,რომლებიც საახალწლოდ სრულდებოდა.სწორედ ამ პრობლემების არსებობამ განსაზღვრა პროექტის აქტუალობა.
3)პროექტის ამოცანები და განხორციელების გზები:კლასი დაიყოფა 4 ჯგუფად.თითო ჯგუფს დავალებად მიეცემა მოიძიოს ინფორმაცია თავიანთთვის სასურველ კუთხეზე.(რა საახალწლო რიტუალებს ასრულებდნენ ჩვენი წინაპრები,რას ითვალისწინებდა საახალწლო სუფრა და ა.შ)გააფორმებენ სლაიდებს მოძიებული ფოტო და ვიდეო მასალით.შეასრულებენ შესაბამისი კუთხის სიმღერასა და ცეკვას.დაისწავლიან და პრეზენტაციაზე წარმოადგენენ მოძიებულ მასალას.ჯგუფის წევრებს სამუშაოს უნაწილებს ჯგუფის ხელმძღვანელი.პერიოდულად ვიკრიბებით და კონსულტაციას ვუწევ მათ .
4)პროექტის განხორციელების დრო:2 კვირა.
5.ასაკი:14–15 წელი.
6.საჭირო რასურსები:კომპიუტერი,პროექტორი,საჭ.სახელმძღვანელო.
ფოტოაპარატი.
7)საგნობრივ ჯგუფებთან კონტაქტი:ისტ–ი,მუსიკა.
8)მოსალოდნელი შედეგები:მოსწავლეებს განუვითარდებათ საინფორმაციო სივრცეში ორიენტაციისა და დამოუკიდებელი მუშაობის უნარ–ჩვევები.ასევე შემოქმედებითი და სოციალური უნარები.გაეცნობიან ეთნოგრაფიულ მასალებს და შეადარებენ თანამედროვესთან,გააანალიზებენ და გადააფასებენ ძველსა და ახალს,რაც დაეხმარება ანალიტიკური აზროვნების განვითარებაში.
9)პასუხისმგებელი პირი:ქართული ენისა და ლიტერატურის პედაგოგი:
ირმა აბრამაშვილი.